ياطير بلغ سلامي وقلة

يا طير بلغ لـه سلامـي وقلّـه



ان العواطف حيل متولعـه فيـه







قلّه ترى قلبـي معـه لا يتلّـه



عطني علومه بالغلا وش هقاويه







ادخل عليه وبلغـه فـي محلّـه



واعطه مراسيلي وانا في حراويه







اخاف من موج الشواطي يشلّـه



وابقى جريح وخافقي من يداويه







اللـي يبادلنـا الغـلا مانملّـه



نصبرعسى يومن ٍ تجينا دعاويه







قلّه يجاوب هاجسـي لوحصلّـه



وقلّه بعد قلبـي يحبـه ويغليـه







بنيت له في داخل القلـب فلّـه



والعرش زينته بكامـل متاكيـه







ما باقي إلا يعتلـي قلـب خلّـه



يامر وينهى والمعاليـق تفديـه







من بادي المده وانا عاشق ٍلّـه



آموت واحيا بالهوا في معاليـه







سيف العيون المرهف اللي تسلّه



سدد سهوم الحب في قلب غاليه







شفته مقفـيّ ليتنـي قبلـة ٍلّـه



ياليت وجهه تبتسم لي نواصيـه







يابدر كافـي مغرمـك لا تذلّـه



ضيّك ونورك ياهوا من يضاهيه







بالصدر هاجوس ٍ وبالقلب علّـه



محتار من ياخذ سلامي يودّيـه







يانخل صيفك والبلح زان حلّـه



متى متى نرقى نخلكم ونجنيـه







العيـن تبكيكـم غـرام وتهلّـه



والقلب نبضه حبكم يا غلاويـه







يابو جديل ٍ فـوق متنـه يفلّـه



والموج ياخذ من جماله ويعطيه







اتخيل اهدابه رمـوش ٍ مضلّـه



واتخيل اني كل ساعه مصافيـه







طلي علينا يالغـلا بـس طلّـه



يرويبها قلب المعنىّ صحاريـه







ليته يشوف اعروقي المضمحلّه



يبست شراييني وروحي تناديـه







قلبك عطيني واحتمي تحت ضلّه



عسى هجير الحب تبرد لياليـه







لا ترمي بحبي على نـار ملّـه



والقلب تلعبه بجمرك وتشويـه







مزن العذوب اللي سحابي يدلـه



عسا ترازم له رعودي وترويـه



*********************************************
اارجو من المشرف ان يوظعة في المكا ن المناسب

خلاص احمد السلام وصل
وياناس بلغوووووووووووو سلام احمد