علاقاتي من غايري

عـلاقـتــي بـالـنــاس بـالـحـيـل حــســـاس
لا مــــا احــــب اكــــون دايــــم انــانــي
اهوى احترام النـاس مـن غيـر ينـداس
خـيــط الـكـرامــه لــــو مــجــرد ثــوانــي
يعنـي ليـا مـن صـار مـوقـف مــع الـنـاس
دايـــم احـــط الـنــاس خــانــة مـكـانــي
والـلـي يبيـنـي يـاهـلابـه عـلــى الـــراس
وفـرشـت لــه بـيـن الـضـلـوع المـحـانـي
الصـدر واسـع لــو طــوى حـالـه الـيـاس
يبقـى مـثـل وضــع السـفـن و(المـوانـي)
بـيــت كـتـبـتـه والـمـعـانـي لــهــا ســــاس
وتـركـيـب بـعــض الـمـفــرداة يـعـصـانـي
والمنتـصـر يشـفـق عـلـى رفـعــة الـكــأس
لــنــه يـتـرجــم مـاحـصــل مــــن تـفـانــي
ومن قبل لا اختم احتكاكات الأظراس
مـاهـو بـشـرط اتـكـون داعـــي دعـانــي
ان مسني مـن بعـض الأشخـاص مسـاس
لــيـــا تــحـــدى صـــامـــدات الـمـعــانــي
حـلـقـة فـــوق الـغـيـم والـعــزم والــبــاس
مـدهـال ربـعــي مـــن قـديــم الـزمـانـي
والـعــود لامـــن اسـألــوا عــنــه غــــراس
اكـــيـــد يـــعـــرف شــجــرتــه مـايــعــانــي
وبالفعـل لا دقـيـت انــا كــل الأجــراس
ياعـنـي صـبـرت وحـــر صـبــري كـوانــي
لـوكـان صـبـر العـبـد اجــره بــلا قـيــاس
لاكـن (طنـيـت ) الله يعـيـن (المـوانـي